വ്യര്‍‌ഥസങ്കല്‍‌പം
=========
പ്രാര്‍‌ഥനാ
നിര്‍‌ഭരമായിരുന്ന
പരവതാനികളില്‍
പ്രതീകങ്ങള്‍‌ക്കും
പ്രതിമകള്‍‌ക്കും വേണ്ടി
കൊലവിളികള്‍ -
അവിരാമം
ജ്വാലകളായി
ഉയരുന്നു...
നീതി പീഠങ്ങള്‍
നെയ്യൊഴിക്കുമ്പോള്‍
അഗ്നിച്ചിറകുകള്‍
ആളിപ്പടരും...
പകര്‍‌ന്നാട്ടത്തി-
ന്നൊടുവില്‍
ഉന്മാദലഹരിയില്‍
ദാഹ പരവശരാകും...
രക്തദാഹികളുടെ
ദാഹമകറ്റാന്‍,
കാവല്‍ നായ്‌ക്കള്‍
വം‌ശഹത്യക്ക്
കളമൊരുക്കും ...
നിദ്രാവിഹീനമായ
രജനികളില്‍
പ്രകീര്‍‌ത്തനം
നടത്തുന്നവരുടെ
നെഞ്ച് പിളര്‍‌ത്തി
കരള്‍ പറിച്ചെടുത്ത്
പൂമാല കോര്‍‌ക്കും...
വിരല്‍ ചൂണ്ടുന്നവരുടെയും
വിലപിക്കുന്നവരുടെയും
പ്രാണന്‍ കവര്‍‌ന്ന്‌
ജീവനില്ലാത്ത
വിഗ്രഹങ്ങളില്‍
പ്രാണ പ്രതിഷ്‌ഠ
നടത്തും ...
ആര്‍‌ത്തട്ടഹാസത്തിന്റെ
പ്രതിധ്വനിയില്‍
പ്രഭുകുമാരന്മാര്‍
അധികാരത്തിന്റെ
സിം‌ഹാസനം
സ്വപ്നം കാണും...
പൊരുത്തപ്പെടുന്നവരും
പൊരുതി
നില്‍‌ക്കുന്നവരും
ധര്‍‌മ്മവും
അധര്‍‌മ്മവും
സത്യവും
മിഥ്യയും
തിരിച്ചറിയപ്പെടും ...
വ്യര്‍‌ഥ സങ്കല്‍‌പങ്ങള്‍
പിഴുതെറിയപ്പെടും...
=========
മഞ്ഞിയില്‍
ജനാധിപത്യം
--------------
ജനാധിപത്യ
ക്രമത്തില്‍
ആത്യന്തികമായി
ജനങ്ങളാണ്‌
അധികാരികള്‍...
ഒടുവില്‍ ...
ഒടുവില്‍
പ്രജകളുടെ
ചോദ്യശരങ്ങള്‍‌ക്ക്
മുന്നില്‍
പ്രജാപതികള്‍
ചകിതരായി
ചെങ്കോല്‍
തിരിച്ചേല്‍‌പ്പിക്കും -
വിധം
ജനാധിപത്യം
മര്‍‌ദ്ധിതരുടെ
അണയാത്ത
പ്രതീക്ഷയത്രെ
====
മഞ്ഞിയില്‍
കര്‍‌മ്മയോഗിയുടെ വിയോഗം
========
ഒരു സൂനമുണര്‍‌ന്നു വിടര്‍‌ന്നു
മധുവും മലര്‍ മണവും
പകര്‍‌ന്നൊടുവില്‍
പൂവാടിയില്‍ വീണുടഞ്ഞൊരു
വര്ണ്ണ ശലഭത്തിന്‍ ചിറകു പോലെ ..
വഴിമുട്ടി ഗതി മുട്ടി
ചകിതരായലയും
പുറം പോക്ക്‌ മക്കളുടെ
തീയും തിരിയും
അണഞ്ഞു പോയി ...
ഇടയന്റെ വടിയായ്‌
പതിതന്റെ തണലായ്‌
വ്രണിതന്റെ ശമനമായ്
ബധിരന്റെ കാതായ്
മൂകരുടെ ശബ്‌ദമായ്
കുരുടന്റെ കണ്ണും
കിനാവുമായി ....
നിരാലം‌ബരുടെ ആശയായ്‌
നിറ മിഴികളില്‍ വര്‍‌ണ്ണമായ്‌
നെടുവിര്‍പ്പുകളുയരും
കുടിലുകളിലെ കരുതലായ്
സാന്ത്വന സ്‌പര്‍‌ശമായ്‌
സഹജരുടെ താങ്ങും തണലുമായി
-----------
തണലിട്ടു നിന്ന വട വൃക്ഷ ശിഖിരങ്ങളില്‍
മഞ്ഞ് തുള്ളികള്‍
മുത്ത് കണങ്ങള്‍ പോലെ
പിന്നെയും നിറയുന്നു പൂക്കുന്നു
കനക മണികളണിഞ്ഞ
നിറമിഴികള്‍ പോലെ...
വിപ്‌ളവ ഗാഥയുടെ - സ്വര
വീചിയായ്,രാഗമായ്‌
താളമായ്‌,ഗാനമായ്‌
സം‌ഗീതം പെയ്‌തിടും
തെന്നലലകള്‍ മെല്ലെ ....
മൂളാതെ മുരളാതെ നിശബ്‌ദമായി..
കതിരണിയും നാടിന്റെ
നാട്ടു വഴിയോരത്ത്
പൂത്തുലഞ്ഞാടി നിന്നൊരു പൂവാടി
തണ്ടൊടിഞ്ഞുണരാതെ
തളര്‍‌ന്നു പോയീ ....
==========
പൂമാരികള്‍ പെയ്‌തൊഴിഞ്ഞ താഴ്വരകളില്
പൂന്തെന്നല്‍ പോയൊളിച്ച തീരങ്ങളില്‍
പൂന്തേന്‍ നിലാവ്‌ വിരിച്ചൊരു താഴ്‌വര
കാര്‍‌മേഘം കൊണ്ട് പുതച്ചു പോയി..
===========
മഞ്ഞിയില്‍
------
നേർത്ത കിലുക്കം
കേട്ട് നോക്കി
അവളുടെ
പാദസരത്തോടൊപ്പം
ഇറുകി കിടക്കുന്ന
കറുത്ത നൂലിൽ
കണ്ണുടക്കി.
സാത്താനിൽ
നിന്നുള്ള
സുരക്ഷ.
ആരോടെന്നില്ലാതെ
പതുക്കെ പറഞ്ഞു.
അവൾ
ശബ്ദമില്ലാതെ ചിരിച്ചു കൊണ്ടിരുന്നു.
------
സാത്താന്‍ കാതില്‍
മന്ത്രിച്ചു
നാട്ടുകാരുടെ
പഴി കേൾപ്പിക്കരുതേ
എന്ന്
താണ് കേണ്
പറഞ്ഞ്
അവളുടെ
കാലിൽ പുണർന്ന്
കിടക്കുകയാണ്.
==============
ഒരുകളിയോടം
പോലുമില്ലാത്ത -
മണ്ണിന്റെ മക്കൾക്കെതിരെ
അലയാഴികൾ കടന്നെത്തി
പോര്‍ മുഖമൊരുക്കി
ഒരുമ്പെട്ട സയണിസ ശക്തി
ദുർഘങ്ങൾ!
-----------
മാംസം കൊതിക്കും
കഴുകരെപ്പോലാർത്തി -
രമ്പിയെത്തിയ
സൈന്യ സന്നാഹങ്ങള്‍ !
പടക്കോപ്പുകള്‍
പലവിധം
പുതു
വിദ്യകളൊരുക്കിയ
ജല വാഹിനികള്‍
നിര നിരയായി
നങ്കൂരമിട്ട്
തീ തുപ്പിത്തിമർക്കുന്നു..!
-----------
ഉടച്ചു തകർത്ത
കിനാക്കളുടെ പടവുകളിൽ
പിച്ചവെച്ചോടി നടക്കുന്ന
പൈതങ്ങളുടെ
തലക്കു മേലാർത്തു
പറക്കും കടന്നൽ
കൂടിളികിയ പോൽ
പാറിക്കളിക്കുന്നു...
മിന്നൽ വേഗങ്ങൾ
തോറ്റു പോം പരശ്ശതം!
പോർ വ്യോമയാനങ്ങൾ
-----------
സൈതൂൻ മരങ്ങളുടെ
കൂട്ടപ്പിടച്ചലിൽ
സീനായ് താഴ്വരകളില്
നെടുവീർപ്പുയരുന്നു
മധ്യധരണ്യാഴി തിരകളലറുന്നു
ഗോലാനിളകി
മലമടകള്‍ പിടയുന്നു
ചോലകളുടെ ചിലമ്പുകൾ
തേങ്ങിത്തുളുമ്പുന്നു
പടയൊരുക്കം
പിടി വിടാത്തയിടങ്ങളിൽ
ശരവർഷത്തിൽ
ശയ്യ വിട്ടുണർന്നവർ!
ഉണരുമെന്നുറപ്പില്ലാ -
തുറക്കിൽ പതിച്ചവർ!
ശഹാദത്ത്
കളിയുടെ
ലഹരിയിലാനന്ദം
പൂണ്ടുല്ലസിച്ചീടുന്ന
ബാല്യ കൗമാരങ്ങൾ !
ശൈശവ കാലത്തിനപ്പുറം
ഭാവന വിടരാത്ത
മക്കളുടെ
യാത്രാമൊഴികളും
വിട പറയാനുള്ള
തിടുക്കവും
ഒരുക്കവും
വസ്വിയത്തും...
പ്രാണൻ വെടിഞ്ഞാൽ
തിരിച്ചറിയാന്‍ വിധം
പൂമേനിയിൽ
പേര് കുത്തി കുറിക്കുന്ന
കുഞ്ഞ് പോരാളികളുടെ
ചുട്ടു പൊള്ളും
കൈ പടകളിലെ
നഖക്ഷതങ്ങള്‍ പോലും
ധീര - ഗാഥകൾ
പാടിത്തരും
മഹാ കാവ്യ
രചനകള്‍ !
-----------
ഇതു കണ്ടിട്ടുമ്മമാരുടെ
കണ്ണിണകളിൽ
പൂക്കുന്ന
മുത്ത്
മണികളുടെ
തിളക്കത്തിൽ
മിഴി പൂട്ടി മാനത്തെ
താരക കൂട്ടങ്ങൾ!
==========
മഞ്ഞിയില്‍
ഇന്റര്‍ നാഷണല്‍
28.10.2023
ഇന്റര്‍ നാഷണല്‍ മലയാളി
======
പത്രവിതരണക്കാരന്റെ
മണിയടി
കേട്ടുണര്‍‌ന്നെഴുന്നേറ്റിരുന്നു
തൊട്ടടുത്തുള്ള
മേശയില്‍ കണ്ണുടക്കി
ചായ
ചൂടാറുന്നു
സോസറില്‍ നിന്ന്
തെന്നി
മലര്‍‌ന്നു വീണ
സ്പൂണില്‍
ഒന്നിടവിട്ട് നോക്കി.
------------
പൂമുഖക്കസേരയില്‍
വിസ്‌തരിച്ചിരുന്നൊരു
വായന..
വരാന്തയില്‍
തൊട്ടു മൂലയില്‍
വേസ്റ്റ് ബിന്നില്‍
പെടാത്തൊരു
കടലാസ് തുണ്ട്
ചുരുണ്ട്
കിടക്കുന്നുണ്ട്.
------------
മുറ്റത്തേക്കൊന്നു
നോക്കി
മഞ്ഞു വീണു
നനഞ്ഞ
കളത്തിന്റെ
മൂലയില്‍
വക്കൊടിഞ്ഞൊരു
പൂ ചട്ടിയില്‍
കൊമ്പൊടിഞ്ഞൊരു
ചെടി...
------------
അകത്ത്
തീന്‍ മേശയില്‍
പ്രാതല്‍ തയാര്‍
ദോശയും
സാമ്പാറും
വിശേഷിച്ചൊരുക്കിയ
ചട്‌നിയും
അതിലെ
ചേരുവകള്‍
അത്ര
സുഖിച്ചില്ല.
------------
ഒരുക്കങ്ങളൊക്കെ
കഴിഞ്ഞ്
പുറത്തിറങ്ങുമ്പോള്‍
എടുക്കാന്‍
മറന്ന
തൂവാലയുമായി
അവളോടിക്കിതച്ച്
വന്നു.
ചുരുള്‍ മാറിയിട്ടില്ലെന്ന്
ഉള്ളില്‍ പറഞ്ഞ്
അതു വാങ്ങി
പടിയിറങ്ങി..
========
മഞ്ഞിയില്‍
മനോരമ
സ്നേഹത്തിന്റെ സാഹോദര്യത്തിന്റെ ദൂതുമായി പാറിപ്പറന്നിരുന്ന പക്ഷി ഇതാ കൂട്ടിലടക്കപ്പെട്ടിരിക്കുന്നു.മണ്ണിന്റെ ചൂരറഞ്ഞ്‌ വിണ്ണില്‍ ഉയര്‍‌ന്ന്‌ പറന്നിരുന്ന പക്ഷി.തടവിലടക്കപ്പെട്ടിരിക്കുന്നു.അനീതിയോടും അധാര്‍‌മ്മികതയോടും താതാത്മ്യം പ്രാപിക്കാന്‍ ശ്രമിക്കുന്നവര്‍ ആ ക്രൂര വിനോദത്തെ ന്യായീകരിക്കുന്നു.പാടിപ്പാടി പുകഴ്‌ത്തുകയും ചെയ്യുന്നു.ഇരുട്ടിനോടാണവര്‍‌ക്ക്‌ താല്‍‌പര്യം. വെളിച്ചത്തോടവര്‍‌ക്ക്‌ നീരസമത്രെ. കറുപ്പിന്റെ ശക്തികളാണവര്‍.
ആ കൊടും വഞ്ചനക്ക്‌ ആത്മാര്‍‌ഥമായി പോരടിച്ചു നില്‍‌ക്കുന്ന ഒരു വിഭാഗം ഉണ്ട്‌.നന്മയുടെ വക്താക്കള്‍.വെളിച്ചത്തെ ഇഷ്‌ടപ്പെടുന്നവര്‍ അം‌ഗ ബലം കൊണ്ട് കുറവാണെങ്കിലും അവഗണിക്കാന്‍ കഴിയാത്ത ശക്തിയാണവര്‍. കൂരാ കൂരിരുട്ടത്തെ നുറുങു വെട്ടങ്ങളാണവര്‍.
ഇതിലൊക്കെ തങ്ങള്‍‌ക്കെന്തു കാര്യം എന്ന മട്ടില്‍ പ്രതികരിക്കാനറിയാത്ത മറ്റൊരു വിഭാഗം ഉണ്ട്‌.ഇരുട്ടും വെളിച്ചവും തിരിച്ചറിയാന്‍ കഴിയാത്തവര്‍.
ഇരുട്ടും വെളിച്ചവും എന്തു പറയുന്നു നമുക്ക്‌ ശ്രവിക്കാം. ഒടുവില്‍, തടവിലടക്കപ്പെട്ട പക്ഷിയുടെ ധീരമായ വായ്‌ത്താരിയും.തടവിലടക്കപ്പെട്ട പക്ഷി.
----------------
കൂട്ടിലടക്കപ്പെട്ട പക്ഷി
-----------
അരുതാത്തത്‌ കണ്ട് ചിലക്കൊല്ല നീ പക്ഷീ
ഇരുള്‍ മുറ്റിയ തടവറയിലൊതുങ്ങി കഴിയുക
പറയൊല്ല മൂല്യവും മൂല്യ ശോഷണവും നീ
കതിരും പതിരും വേര്‍‌ത്തിരിക്കേണ്ട നീ പക്ഷീ
പറന്നുയരുകയായിരുന്നല്ലോ നീയേറെ
പരിതസ്ഥിതികളും മറന്നു കൊണ്ടേ ദൂരേ
ചക്രവാളം കാട്ടി കാട്ടി കൊതിപ്പിച്ച്‌
ചക്രം തിരിഞ്ഞു വീണിന്നു നിന്‍ വിരിമാറില്‍
ഇനി മുതല്‍ ഇരുള്‍ മറയാണു നിന്‍ ആകാശം
അതില്‍ പോല്‍ പറക്കുവാനില്ല പക്ഷങ്ങളും
മോഹങ്ങളൊക്കെയും ഹോമിച്ചു കളയുക
മോഹന വാഗ്‌‌ദാന ശീലുകള്‍ മറക്കുക...
2
കൂരിരുട്ടത്തൊരിടിമിന്നല്‍ പോലെ നീ
മരുക്കാട്ടിലെ മധുമലര്‍ മണമാണ്‌ നീ
അന്ധന്റെ കണ്ണ്‌ നീ
ബധിരന്റെ കാത്‌ നീ
ഇടയന്റെ ചൂരലും
പതിതന്റെ മോഹവും
പക്ഷീ നിനക്കെന്തു പറ്റി നിന്‍ പാട്ടെവിടേ
പക്ഷീ നിനക്കെന്തു പറ്റി നിന്‍ ചൂട്ടെവിടേ
പക്ഷീ നിനക്കെന്തു പറ്റി നിന്‍ ശീലവിടെ
പക്ഷം തളര്‍‌ന്നാലും ചിത്തം തകരാത്ത പൈങ്കിളീ
പാട്ടൊന്നു പാടിത്തരിക നീ
3
എന്റെ പാട്ടിന്നും മുഴങ്ങുന്നു ചുറ്റിലും
എരിയുന്നു കൂരിരുട്ടിലെന്റെ ചൂട്ടിന്നും
എന്റെ ശീലിന്നൊരു മാറ്റവുമില്ലിന്നും
പക്ഷം തളര്‍‌ന്നില്ല..
ചിത്തം തകര്‍‌ന്നില്ല..
പാടാന്‍ പിറന്നവള്‍
പാറാന്‍ പിറന്നവള്‍
എന്നെയടച്ചു പൂട്ടിയിരിക്കുന്നോര്‍
തന്നെയല്ലോ കൂരിരുട്ടത്തുലയുന്നു
എന്റെ ചിറകരിഞ്ഞോരല്ലോ മാനത്ത്
ഉയരാന്‍ കഴിയാതെ മണ്ണില്‍ പതിക്കുന്നു
കെട്ടുക വരിയുക മൂടുക മണ്ണറയില്‍
കഴിയുമെങ്കില്‍ എന്റെ ചിന്താ ധാരയെ..
................
................
മഞ്ഞിയില്‍
01.04.1992
